Kirkja og samfélag

Frá vinstri: Helgi Gunnlaugsson, Sigurður Árni Þórðarson, Arndís Vilhjálmsdóttir, Halldór Valur Pálsson, Sigríður Birna Sigvaldadóttir og Sigrún Margrétar Óskarsdóttir - mynd: hsh

Hallgrímskirkja hefur haldið mörg málþing þar sem tekið hefur verið á ýmsum málum. Ekkert er kirkjunni óviðkomandi og þess vegna hefur verið fjallað um menningar- og samfélagsmál á málþingunum. Þingin hafa verið vel sótt og fengið góða athygli; verið gefandi og vakið þátttakendur til umhugsunar.

Á sunnudaginn var haldið málþing og yfirskrift þess var: Fangelsisvist: Refsing eða endurhæfing? Þingið var haldið eins og jafnan í beinu framhaldi af messu þar sem sóknarpresturinn dr. Sigurður Árni Þórðarson prédikaði og þjónaði ásamt fangapresti þjóðkirkjunnar, sr. Sigrúnu Óskarsdóttur.

Í messunni var Hallgrímskirkju afhent allstórt líkan af Hallgrímskirkju sem fangi nokkur hannaði og gerði úr grillpinnum. Það var Fangaverk sem gaf líkanið og Auður Guðmundsdóttir, verkefnastjóri Fangaverks.

Málþingið var haldið að tilhlutan Hallgrímskirkju og í samstarfi við fangaprest þjóðkirkjunnar. Margir spennandi og eftirtektarverðir fyrirlestrar voru fluttir.

Syðri salurinn í Hallgrímskirkju var þéttsetinn og augljóst að mikill áhugi var á málefninu. Fólk spurði fyrirlesaranna fjölda spurninga og var augljóslega tilbúið í umræður um efnið. 

Sigríður Hjálmarsdóttir stjórnaði málþinginu af mikilli röggsemi. Dr. Sigurður Árna Þórðarson flutti ávarp í upphafi þingsins. Hann lagði mikla áherslu á manngildið og tengsl þess við kristna trú. 

hsh

Hér má sjá nokkrar myndir frá málþinginu

Sr. Sigrún Margrétar Óskarsdóttir, fangaprestur þjóðkirkjunnar - Sigríður Hjálmarsdóttir, fundarstjóri, situr við borðið

Halldór Valur Pálsson, fangelsisstjóri

Arndís Vilhjálmsdóttir, geðhjúkrunarfræðingur

Dr. Helgi Gunnlaugsson, prófessor

Dr. Helgi leggur áherslu á orð sín og hlustað er með athygli

Guðmundur Ingi Þóroddsson, formaður Afstöðu, félags fanga

Sigríður Birna Sigvaldadóttir, verkefnastjóri félagsverkefna hjá Rauða krossinum

Frummælendur og sóknarpresturinn

Þráinn B. Farestveit, framkvæmdastjóri Verndar, fangahjálpar, var einn af þeim sem lagði fram spurningu á þinginu

Á málþinginu voru sýnsihorn af ýmsu er fangar hafa unnið

Hallgrímskirkja úr grillpinnum er til sýnis í kirkjunni - fangi gerði líkanið