12. júní 2022

Vígslubiskupskosning

Hóladómkirkja - september 2019 - mynd: hsh

Nú stendur fyrir dyrum kosning til vígslubiskups á Hólum.

Tilnefningum til vígslubiskups í Hólaumdæmi lauk 24. maí síðastliðinn eins og kirkjan.is greindi frá hér. Alls voru 25 tilnefndir og nú liggur fyrir niðurstaða hverjir verða í kjöri.

Í starfsreglum um kosningu biskups Íslands og vígslubiskupa má lesa í 4. og 5. gr. hverjir hafa kosningarrétt.

Kjörstjórn þjóðkirkjunnar sendi frá sér eftirfarandi tilkynningu í gær:

Tilkynning frá kjörstjórn þjóðkirkjunnar

Niðurstaða tilnefninga vegna kosningar vígslubiskups á Hólum liggur nú fyrir.

Tveir af þeim 25 sem tilnefnd voru eru í kjöri en það eru:

Sr. Gísli Gunnarsson
Sr. Þorgrímur Daníelsson

Þetta tilkynnist hér með.

Kosning fer fram 23. til 28. júní nk.

Fyrir hönd kjörstjórnar

Ragnhildur Benediktsdóttir

hsh