22. ágúst 2022

Guðsþjónusta beggja siða á Skriðuklaustri

Frá vinstri: Sr. Kristín Þórunn Tómasdóttir, prestur í Egilsstaðaprestakalli, sr. Pétur Kovacik, prestur kaþólskra á Austurlandi, og sr. Solveig Lára Guðmundsdóttir, vígslubiskup á Hólum

Í gær, sunnudaginn 21. ágúst, var haldin samkirkjuleg guðsþjónusta við rústir hinnar fornu klausturkirkju á Skriðuklaustri.

Sr. Kristín Þórunn Tómasdóttir leiddi stundina og predikaði. Sr. Pétur Kovacik prestur kaþólskra á Austurlandi las guðspjall og leiddi almenna kirkjubæn. Sr. Gylfi Jónsson las ritningarlestur og sr. Solveig Lára Guðmundsdóttir vígslubiskup á Hólum bað kollektubæn og blessaði í lok athafnar.

Organisti var Jón Ólafur Sigurðsson.

Sól skein í heiði og athöfnin var öll hin hátíðlegasta þar sem niður aldanna sveif yfir vötnum og kærleiksverkin sem unnin voru á þessum helga stað urðu ljóslifandi fyrir hugskotssjónum áheyrenda þegar sr. Kristín Þórunn minntist þeirrar kærleiksþjónustu sem unnin var í Skriðuklaustri á árum áður.

Hún sagði meðal annars í predikun sinni:

Á Íslandi og hér á Skriðu fór fram starfsemi sem laut skipulagi og áherslum kirkjunnar um allan hinn kristna heim. Þær áherslur lutu ekki síst að gestrisni og umhyggju í garð þeirra sem minnst máttu sín í lífsbaráttunni – og að líkna og þjóna almenningi. Boðskapur kristinnar trúar sem holdgerðist hér í klaustrinu á Skriðu var að þjóna öllum, mannkyni til heilla með áþreifanlegum hætti í gegnum trúna. Í klaustrinu höfðust þau við og dóu sem voru þurfandi fyrir mat, klæði, húsaskjól og hjálp gegn andlegum og líkamlegum meinum.

Auk þess sagði hún:

Við gerum þess vegna vel, þegar við stöndum innan um þessar minjar um hjálparstarf og fræðimennsku, að minnast köllunar kristinnar kirkju í heiminum sem Guð elskar svo mikið að hann gaf son sinn til að hver sem á hann trúir glatist ekki heldur hafi eilíft líf. Það er köllunin sem er varðveitt í miskunnarverkunum 7 eins og þau eru sett fram af Jesú, í Matteusarguðspjalli 25. kapítula: að gefa hungruðum mat, gefa þyrstum að drekka, gefa klæðlausum föt, að vitja fanga, hýsa heimilislausa, hjúkra sjúkum og grafa hin látnu.

slg

Kirkjustarf
Menning
Messa
Samfélag
Samstarf
Þjóðkirkjan
Trúin
Vígslubiskup
Frétt

Guðsþjónusta beggja siða á Skriðuklaustri

Guðsþjónusta beggja siða á Skriðuklaustri

Fleiri fréttir

Níu hlutu styrk úr tónlistarsjóði kirkjunnar og STEF

Þorláksmessa í Skálholti

Aðventa í Egilsstaðaprestakalli

Flýtileiðir

Þjónustustöðvar

Tengdir vefir

Flýtileiðir

Um okkur