24. ágúst 2022
Sendiherra kórtónlistar
%20fimm.jpg?proc=NewsImage "John Rutter, tónskáld og kórstjórnandi")
John Rutter, tónskáld og kórstjórnandiSvo sannarlega er margt að gerast í kirkjutónlistarmálunum. Fyrir nokkru var hér á ferð Mattias Wager, dómorganisti í Stokkhólmi, og fór víða um tónlistarfólki og öðrum til mikillar ánægju.
Enska tónskáldið og stjórnandinn John Rutter er gestur Organistastefnunnar og Kórastjórasamveru þjóðkirkjunnar.
Rutter átti að vera hér á ferð fyrir tveimur árum en kórónuveirufaraldurinn kom í veg fyrir það.
En nú er hann kominn og dagskráin er spennandi.
Rutter heldur námskeið í Skálholti fyrir organista og kórstjóra á föstudeginum 26. ágúst frá kl. 17.00 til laugardagsins 27. ágúst kl. 18.30. Öll þau sem starfa við kirkjukóra og aðra kóra eru velkomin. Hann mun fjalla um kórsöng; kynna eigin verk og sömuleiðis breska kirkjutónlistarhefð.
Á sunnudaginn 28. ágúst milli kl. 14.00 og 18.00 hefur verið boðað til þess sem kallast „Open singing“ í Langholtskirkju eða Syngjum saman í Langholtskirkju. Þar æfir Rutter og stjórnar eigin kórlögum og Lára Bryndís Eggertsdóttir leikur undir á píanó og orgel. Allir kórsöngvarar eru hvattir til að láta ekki þennan viðburð fram hjá sér fara.
Á sunnudaginn 28. ágúst milli kl. 14.00 og 18.00 hefur verið boðað til þess sem kallast „Open singing“ í Langholtskirkju eða Syngjum saman í Langholtskirkju. Þar æfir Rutter og stjórnar eigin kórlögum og Lára Bryndís Eggertsdóttir leikur undir á píanó og orgel. Allir kórsöngvarar eru hvattir til að láta ekki þennan viðburð fram hjá sér fara.
Það er söngmálastjóri þjóðkirkjunnar, Margrét Bóasdóttir, sem hefur haldið utan um alla þræði í sambandi við undirbúning þessa merka tónlistarviðburðar.
hsh
