Græn köllun
Skálholtsdómkirkja og Þorláksbúð - mynd: hshGræn köllun er yfirskrift ráðstefnu sem hefst í Skálholti 12. október og stendur fram á næsta dag.
Hugmyndin er að samtöl byrji á stuttu innleggi í upphafi fundar sem verður kveikja að frekari samtali.
Ráðstefnugestir deila síðan hugmyndum sínum og úr verður samtal um hina grænu köllun.
Eins verður opið fyrir önnur stutt innlegg um þá snúnu stöðu sem manneskjan hefur komið öllu lífríkinu í.
Hugmyndin er að samtal verði um glímu mannsins við hann sjálfan og við óblíða og blíða náttúru.
Fréttaritari kirkjan.is hafði samband við sr. Axel Árnason verkefnastjóra umhverfismála og spurði hann um aðdraganda þessarar ráðstefnu.
„Adragandinn er hugmynd Andrésar Arnalds fyrir einhverjum árum að hnýta saman trú og lífsskoðun og náttúruvernd.
Þetta átti að skapa panel fyrir Arctic circle Assembly eða Hringborð norðurslóða og er haldið í tengslum við það."
Hverjir eru aðalfyrirlesarar?
"Þetta eru ekki fyrirlestrar heldur kveikjur að umræðum.
Kveikjurnar flytja dr. Auður Önnu Magnúsdóttir, frú Paneeraq Siegstad Munk, dr. Sigríður Guðmarsdóttir, dr. Guðfinna Aðalgeirsdóttir dr. Panti Filibus Musa."
Hverjir eru þáttakendur ráðstefnunnar?
"Þátttakendur fundarins eru fulltrúar margvíslegra umhverfishópa sem hafa verið virkir í umhverfisumræðu með kirkjunni til margra ára.
Á fundinum fara fram almennar umræður um umhverfismál auk þess að þar fer fram undirbúningur fyrir panelumræður sem fara fram á Artic Circle Assembly."
Græn köllun – green vocation
Dagskrá 12. október og 13. október 2022
12. október
11.30 Komið í Skálholt
12.00 Hádegisverður
13.00 Fyrsti fundur. Málshefjandi dr. Auður Önnu Magnúsdóttir, framkvæmdastjóri Landverndar.
13.45 Annar fundur. Málshefjandi frú Paneeraq Siegstad Munk, Grænlandsbiskup.
14.30 Þriðji fundur. Málshefjandi dr. Kristín Vala Ragnarsdóttir, prófessor í sjálfbærnivísindum við Verkfræði- og náttúruvísindasvið HÍ, Jarðvísindadeild.
15:15 Gróðursetning og kaffi
16.00 Fjórði fundur. Málshefjandi dr. Sigríður Guðmarsdóttir, dósent í kennimannlegri guðfræði við Hugvísindasvið HÍ, Guðfræði- og trúarbragðafræðideild.
17.00 Fimmti fundur. Málshefjandi dr. Guðfinna Aðalgeirsdóttir, prófessor í jarðeðlisfræði við Jarðvísindadeild Háskóla Íslands.
18.00 Kvöldbænir í Skálholtskirkju
19.00 Kvöldverður
20.00 Sjötti fundur. Málshefjandi dr. Panti Filipus Musa erkibiskup Lúthersku Kristskirkjunnar í Nígeríu og stjórnarformaður Lútherska Heimssambandsins.
22.00 Kvöldganga undir himninum
13. október
08.00 Morgunverður
09.00 Morgunbænir í kirkju.
