Fjölbreytt safnaðarstarf

23. nóvember 2022

Fjölbreytt safnaðarstarf

Morgunkaffi í Seltjarnarneskirkju

Safnaðarstarf í kirkjum landsins er víða afar fjölbreytt.

Í sumum kirkjum er starfsemi alla daga bæði fyrir og eftir hádegi.

Í haust var fitjað upp á nýjung í Seltjarnarneskirkju sem er að hafa morgunkaffi kl. 9:00 f.h. á miðvikudögum.

Það er hugsað fyrir alla aldurshópa og öll kyn, en raunin hefur verið sú að eingöngu karlar hafa sótt þessar stundir.

Þeir leggja áherslu á að þetta sé alls ekki eingöngu fyrir karla.

Þetta er nokkuð sérstakt því að öllu jöfnu er safnaðarstarf víðast hvar betur sótt af konum.

Seltjarnarneskirkja hefur frá árinu 2011 haft svokallað karlakaffi tvisvar í viku á þriðjudögum og fimmtudögum kl. 14:00.

Er það eingöngu hugsað fyrir karla 67 ára og eldri.

Það hefur verið afar vel sótt.

Á morgunstundunum á miðvikudagsmorgnum hefur Örn Björnsson fyrrum útbústjóri Íslandsbanka á Húsavík verið að lesa úr bók sinni Arnar saga Björnssonar, ekki standa á öðrum fæti allt lífið.

Þar er sagt frá þróun samfélagsins, atvinnulífs og menningu á tímum umbreytinga og mikilla framfara.

Þegar fréttaritari kirkjan.is leit við í morgunkaffi í Seltjarnarneskirkju í morgun sköpuðust líflegar umræður eftir lesturinn.

Á þessum samverustundum er borið fram fallega smurt brauð, smjörkaka og kaffi sem sóknarpresturinn sr. Bjarni Þór Bjarnason hellir uppá.


slg



Myndir með frétt

  • Kirkjustarf

  • Menning

  • Nýjung

  • Safnaðarstarf

  • Sálgæsla

  • Samfélag

  • Eldri borgarar

Jóladagatalið Gefum gæðastund í skóinn.jpg - mynd

Samverustundir í skóinn

09. des. 2022
.........“sjáðu mig!“
Svalbarðskirkja flutt fyrir 50 árum -mynd akureyri.net

Kirkjur á ferð og flugi

08. des. 2022
..........50 ár frá flutningi Svalbarðskirkju
Sr. Ragnheiður, Margrét og sr. Gísli -mynd Þuríður Kristjana Þorbergsdóttir

Mikilvægt að kirkjan þjóni Íslendingum erlendis

06. des. 2022
.......sr. Gísli Gunnarsson heimsækir söfnuðinn á Spáni