Tíminn og trúin
Dr. Sigurjón Árni afhendir Biskupi Íslands bók sína.Út er komin bókin Timinn og trúin eftir dr. Sigurjón Árna Eyjólfsson.
Í bókinni rannsakar dr. Sigurjón Árni kirkjuárið og textaraðirnar og gerir jafnframt tilraun til að ritskýra guðsþjónustu íslensku Þjóðkirkjunnar.
Á bókarkápu segir:
„Sömu ritningartextar eru lesnir upp í kristnum guðsþjónustum um heim allan árið um kring og lagt út af þeim í prédikun, söng og bæn.
Segja má að þessir textar birti tiltölulega skýra mynd af kristnum hugmyndaheimi.“
Í bókinni veltir dr. Sigurjón Árni fyrir sér spurningunum:
Hvernig byrjaði þetta allt saman?
Og hvers vegna urðu textaraðirnar kjölfesta kirkjuársins og hver eru innbyrðis tengsl þeirra?
Dr. Sigurjón Árni Eyjólfsson hefur skrifað fjölda rita og greina á sviði guðfræðirannsókna undanfarin 30 ár, nú síðast bókina Augljóst, en hulið: Að skilja táknheim kirkjubygginga, sem kom út árið 2020.
Biskup Íslands frú Agnes M. Sigurðardóttir ritar aðfararorð í bókina.
Þar segir hún m.a.
„Þessi bók geymir fjársjóð af fróðleik um sögu textaraðanna, hugsunina bak við þær og tilganginn með því að setja textana einmitt í þá röð sem þeir eru.
Innihald bókarinnar mun því nýtast til fræðslu og meiri skilnings á samhenginu í helgihaldinu og tilgangi þess.“
slg
Myndir með frétt
