Ensku jólasöngvarnir í Seltjarnarneskirkju
Seltjarnarneskirkja Ensku jólasöngvarnir eða ,,Festival of Nine Lessons with Carols“ verða haldnir í Seltjarnarneskirkju fjórða sunnudag í aðventu þann 18. desember kl. 13:00.
Þessi hefð er meira en 100 ára gömul og hófst innan anglíkönsku kirkjunnar í King´s College í Cambridge.
Ensku jólasöngvarnir voru fyrst haldnir árið 1918 og hafa verið haldnir árlega víðs vegar um England, Bandaríkin og víðar.
Félagar úr Kammerkór Seltjarnarneskirkju munu syngja ensku jólasálmana og karlar og konur munu lesa ákveðna texta milli söngvanna bæði úr gamla og nýja testmentinu.
Forsetafrúin frú Eliza Reid mun lesa einn lesturinn og sendiherra Bandaríkjanna á Íslandi les einnig einn lestur.
Friðrik Vignir Stefánsson verður við orgelið.
Sr. Bjarni Þór Bjarnason sóknarprestur í Seltjarnarneskirkju flytur bæn og blessun í lokin.
Reykjavíkurprófastsdæmi vestra greiðir tónlistarfólkinu fyrir vinnu sína og frú Carrin F. Patman bandaríski sendiherrann á Íslandi mun sjá um veitingar eftir athöfnina í safnaðarheimili kirkjunnar.
slg
