Sr. Gunnar Eiríkur settur í embætti prófasts
![Áslaug I. Kristjánsdóttir kirkjuvörður, Biskup Íslands, sr. Gunnar Eiríkur, sr. Snævar Jón og sr. Brynhildur](/library/Files/Fra%cc%81%20innsetningu%20pro%cc%81fasts%20Vesturlandspro%cc%81fastsd%c3%a6mis%20-%20Copy%20(1).jpg?proc=NewsImage)
Það var mjög fallegt veður í Stykkishólmi sunnudaginn 15. janúar s.l. þegar Biskup Íslands setti sr.Gunnar Eirík Hauksson sóknarprest í Stykkishólmsprestakalli inn í embætti prófasts í Vesturlandsprófastsdæmi.
Athöfnin fór fram í Stykkishólmskirkju.
Kirkjukórinn söng við athöfnina en stjórnandi hans er organistinn László Petö, sem er frá Ungverjalandi.
Kristjón Daðason, kennari við tónlistarskólann lék á trompet.
Tveir nágrannaprestar, sr. Brynhildur Óla- Elínardóttir sóknarprestur í Staðastaðaprestakalli og sr. Snævar Jón Andrésson sóknarprestur í Dalaprestakalli tóku þátt í athöfninni.
Kirkjuvörður var Áslaug I. Kristjánsdóttir.
Sr. Gunnar Eiríkur tekur við prófastsembættinu af sr. Þorbirni Hlyni Árnasyni sem nýlega lét af embætti sóknarprests í Borgarprestakalli og prófasts í Vesturlandsprófastsdæmi.
Sr. Gunnar Eiríkur er ekki alls ókunnugur prófastsstarfinu, en hann var prófastur í Snæfellsness- og Dalaprófastsdæmi áður en það var sameinað Borgarfjarðarprófastsdæmi.
Eftir athöfnina naut fólk samfélags yfir kaffi og konfekti.
slg