Leiðbeiningar um kosningu til vígslubiskups í Skálholti

2. júní 2023

Leiðbeiningar um kosningu til vígslubiskups í Skálholti

Skálholtsdómkirkja

Kosning til vígslubiskups í Skálholti fer fram frá kl. 12.00 á hádegi þann 7. júní og lýkur kl. 12.00 á hádegi þann 12. júní 2023.

Í kjöri eru sr. Arna Grétarsdóttir sóknarprestur á Reynivöllum í Kjós, sr. Dagur Fannar Magnússon sóknarprestur í Skálholti og sr. Kristján Björnsson vígslubiskup í Skálholti.

Kosningin er rafræn á kirkjan.is

Leiðbeiningar um hvernig á að kjósa má finna hér.

Til að ganga úr skugga um hvort fólk er á kjörskrá er farið með rafrænum skilríkjum þar sem stendur kjörskrá.

Þegar viðkomandi hefur skráð sig inn með rafrænum skilríkjum koma leiðbeiningar um hvernig greiða skal atkvæði.


Kosningarétt í vígslubiskupskjörinu hafa þau sömu sem hafa kosningarétt til að kjósa biskup Íslands í Skálholtsumdæmi.

Biskup Íslands og vígslubiskupar hafa kosningarrétt.

Auk þeirra þjónandi prestar eða djáknar íslensku þjóðkirkjunnar eða þau sem starfa hjá íslenskum söfnuði þjóðkirkjunnar erlendis eða á vegum stofnunar eða félagasamtaka hér á landi.

Þjónandi prestur eða djákni hjá íslenskum söfnuði þjóðkirkjunnar erlendis, nýtur kosningarréttar í umdæmi vígslubiskups í Skálholti.

Djákni skal vera ráðinn til a.m.k. eins árs eða ótímabundið til að njóta kosningarréttar.

Prestur eða djákni sem látið hefur af þjónustu nýtur ekki kosningarréttar.

Kosningarrétt eiga vígðir starfsmenn á þjónustumiðstöð Þjóðkirkjunnar sem eru í föstu starfi.

Auk presta og djákna hafa leikmenn víðtækan kosningarétt.

Það eru aðal- og varamenn í sóknarnefndum og allt að sjö kjörfulltrúum úr hverju prestakalli valdir af sóknarnefnd eða sóknarnefndum til viðbótar öðrum kjörfulltrúum.

Leikmenn sem eiga sæti á kirkjuþingi hafa auk þess kosningarrétt.

Úrslit í vígslubiskupskjörinu eiga að liggja fyrir innan sólarhrings frá því að atkvæðagreiðslu lýkur þann 12. júní.

slg


Myndir með frétt

  • Kosningar

  • Leikmenn

  • Prestar og djáknar

  • Vígslubiskup

  • Kirkjustaðir

Víkurkirkja

Sóknarprestsstarf laust

12. júl. 2024
...í Víkurprestakalli
Breiðabólstaðarkirkja

Laust starf sóknarprests

12. júl. 2024
...við Breiðabólstaðarprestakall
Skálholtsdómkirkja

Laust starf

12. júl. 2024
...sóknarprests við Skálholtsprestakalls