Aðalfyrirlesari á Heimsþingi LWF
Dr. Tomás HalíkNú er undirbúningur fyrir þrettánda Heimþing Lútherska Heimssambandsins í hámarki.
Eins og fram hefur komið á kirkjan.is þá ber þingið í ár yfirskriftina One body, One spirit, one hope, eða:
Einn líkami, einn andi, ein von.
Lútherska Heimssambandið heur nú tilkynnt hver verði aðalfyrirlesari þingsins eða svokallaður key note speaker.
Það verður Tomás Halík, en hann er rithöfundur og prófessor í félagsfræði.
Hann er frá Tékklandi og er þekktur fyrir baráttu sína fyrir mannréttindum, trúfrelsi og samtali við samtíðina.
Hann var vígður prestur í kaþólsku kirkjunni á tíma kommúnismans og varð einn af aðalskipuleggjendum neðanjarðarstarfsemi háskólasamfélagsins, en þar var að finna guðfræðinga, heimspekinga og stúdenta sem börðust fyrir lýðræði í fyrrum Sovétríkjunum.
Eftir fall Berlínarmúrsins varð hann aðalráðgjafi Václav Havel, forseta og hefur verið mikilvægur í menningarlífi Tékklands.
Hann er deildarforseti trúarbragðafræðideildar Charles University í Prag og hefur verið gestafyrirlesari við Cambridge, Oxford og Harvard.
slg
Myndir með frétt
