Þau flytja ræður á Heimsþinginu
Einn líkami, einn andi, ein von13. Heimsþing Lútherska Heimssambandsins hefst miðvikudaginn 13. september.
Þá kemur kirkjufólk saman frá öllum heimshlutum.
Þingið í ár er haldið í Kraków í Póllandi.
Þingið hefst á guðsþjónustu þar sem sr. Danielle Dokman predikar, en hún er ungur prestur frá lúthersku kirkjunni í Suriname.
Predikar hún út frá megin efni þingsins, sem er: Einn líkami, einn andi, ein von.
Á öðrum degi þingsins er ræða aðalfyirlesara þingsins, en það er tékkneski presturinn, prófessorinn og rithöfundurinn Tomás Halík, sem er þekktur fyrir baráttu sína fyrir mannréttindum, trúfrelsi og samtali við önnur trúarbrögð eða engin, en kirkjan.is sagði frá ferli hans hér.
Dagana á eftir munu tveir forsetar guðfræðiskóla í Indónesíu og Eþíópíu og fyrrum erkibiskup Svía ræða um efni þingsins, Einn líkami, einn andi, ein von í hinum mismunandi aðstæðum heimsins.
Þau eru dr. Benny Sinaga forseti guðfræðiskóla fyrir konur í norður Sumötru.
Hún mun deila með áheyrendum hugleiðingum sínum um hvaða þýðingu einn líkami hefur í heiminum eftir heimsfaraldur.
Dr. Bruk Ayele, forseti Mekane Yesus guðfræðiskólans í Eþíópíu flytur hugleiðingu um hvernig andinn getur leitt okkur til einingar í sundrungu heimsins.
Fyrrum erkibiskup Svía dr. Antje Jacklén hugleiðir hvernig kristin von getur gefið okkur hugrekki til að treysta innsæi okkar.
Í lokaguðsþjónustunni mun framkvæmdastjóri Lútherska Heimssambandsins dr. Anne Burghardt predika og hvetja þátttakendur þingsins til að flytja boðskap þessa alheimsþings í heimakirkjum sínum og samfélagi alls staðar í heiminum.
Myndirnar hér fyrir neðan eru frá vinstri:
Sr. Danielle Dokman, dr. Benny Sinaga, dr. Bruk Ayele, dr. Antje Jacklén og dr. Anne Burghardt,
slg
Myndir með frétt
