Hvað er Lútherska Heimssambandið?

19. september 2023

Hvað er Lútherska Heimssambandið?

Einn líkami, einn andi, ein von

Heimsþing Lútherska Heimssambandsins sem haldið hefur verið í Kraków í Póllandi 13.-19. september lýkur í dag með lokamessu.

Áður en lokamessan verður sungin munu þingfulltrúar samþykkja sameiginlega ályktun, sem kirkjan.is mun birta á næstu dögum.

En hvað er Lútherska Heimssambandið?

Í Lútherska Heimssambandinu eru 150 aðildarkirkjur frá sjö svæðum.

Í Suður- og Norður-Ameríku eru meira en helmingur kirkjuleiðtoganna konur.

Í Þýskalandi eru flestir Lútheranar í Evrópu, næstum 10 milljónir.

Norðurlöndin hafa flesta meðlimi hlutfallslega, en meðlimafjöldinn er í flestum löndunum um 70%.

Á  Austur-Evrópu svæðinu eru töluð næstum 20 tungumál.

Tvær fjölmennustu kirkjurnar eru í Eþíópíu og Tanzaníu með um 20 milljón meðlimi samtals.

Meira en einn þriðji af meðlimakirkjunum kemur frá Asíu.

Kjörorð sambandsins er Frelsuð af Guðs náð, í samfélagi við Krist, vinnum við saman að réttlátum heimi í friði og sáttargjörð.

(Liberated by God´s grace, a communion in Christ, living and working together for a just, peaceful, and reconciled world).

Lútherska Heimssambandið styður fólk í neyð.

Það styður yfir þrjár milljónir manna víðs vegar um heiminn gegnum World Service sem en ein af stofnunum sambandsins.

Mannúðar- og þróunarstarfið einbeitir sér að því að tryggja lífsafkomu fólks og veita því vernd.

Barátta sambandsins fyrir réttlæti einbeitir sér að mannréttindum, kynjaréttlæti, loftslagsmálum og friði.

Lútherska Heimssambandið vinnur að þróun í guðfræðilegum málefnum.

Sambandið vill styrkja lúthersku kirkjurnar til að túlka guðfræði inn í nútíma aðstæður.

Sambandið hefur á að skipa fjölda guðfræðinga, bæði vígðum og óvígðum svo og guðfræðistúdentum sem deila af þekkingu sinni og reynslu.

Lútherska Heimssambandið styrkir kristniboð kirknanna.

Sambandið er sameinað í þeirri köllun að boða fagnaðarerindið og þjóna náunganum.

Þó aðildarkirkjurnar komi frá mjög ólíkum aðstæðum eiga þær þetta sameiginlegt.

Lútherska Heimssambandið hefur það á dagskrá sinni að valdefla ungt fólk og sérstaklega konur til leiðtogastarfa í heiminum.

Lútherska Heimssambandið vinnur að einingu.

Sambandið leggur sig fram um að eiga samtal við aðrar kirkjudeildir og hjálpa fólki í neyð.

Að vera lútherskur er að vera samkirkjulegur.

Sambandið tekur þátt í alþjóðlegu samtali við aðrar kirkudeildir og býður öðrum trúarbrögðum vinarhönd sína.

Lútherska Heimssambandið eru alheimssamtök kirkna sem vinna saman að friði og sáttargjörð, sem byggir á lútherskri hefð.

Sambandið vill þannig setja kristna trú á oddinn með mannúðarstarfi, vitnisburði og samtali.

 

slg


  • Guðfræði

  • Hjálparstarf

  • Kærleiksþjónusta

  • Lútherska heimssambandið

  • Samfélag

  • Samstarf

  • Þing

  • Alþjóðastarf

Lilja Dögg og forsetahjónin

„Sögustaðir efla samkennd okkar“

22. júl. 2024
...segir menningarráðherra á Skálholtshátíð
Forseti Íslands kom á málstofuna

"Húmorinn var aldrei langt undan"

20. júl. 2024
...málstofa til minningar um sr. Karl Sigurbjörnsson
Málþingið var fjölsótt

"Stríðið gæti þróast yfir á Vesturbakkann"

20. júl. 2024
...áhrifamikið málþing á Skálholtshátíð