Samverustundir fyrir Grindvíkinga og opið hús

Grindavík

Eftir hina hræðilegu viðburði helgarinnar og í því ástandi sem enn er yfirvofandi er gott að koma saman í kirkju, finna frið stuðning og hjálp.

Því hefur verið ákveðið að hafa samverustundir fyrir Grindvíkinga í Keflavíkurkirkju og Hafnarfjarðarkirkju á sama tíma kl. 17:00 til 19:00 í dag, mánudaginn 15. janúar.

Stundirnar hefjast með bænastund og tónlist kl. 17:00, hægt verður að tendra á kerti og eiga hljóða stund í kirkjunni.

Boðið verður upp á hressingu þar sem prestar og viðbragðsaðilar Rauða krossins verða til samtals og hlustunar.

Hvatt er til að sýna samstöðu, mæta og njóta nærveru og uppörvunar í samfélagi með hvert öðru.

Minnt er á að hægt er að leita sér aðstoðar með því að skrifa tölvupóst á afallahjalp@kirkjan.is.

Einnig er hægt að hafa samband við prest þar sem hægt er að fá samtal, samfylgd í gegnum óvissu og erfiða reynslu.

slg