Tilkynning vegna tilnefninga

Tilnefningum til kjörs biskups Íslands lauk á hádegi í dag, 6. febrúar.

Fram kom að af 164 sem máttu tilnefna hafi 160 tilnefnt.

Fulltrúar kjörstjórnar og starfsmaður Biskupsstofu mættu til Advania á hádegi til að rækja hlutverk sitt varðandi afkóðun og talningu tilnefninga, eins og gert er ráð fyrir í 13. gr. starfsreglna kirkjuþings nr. 9/2021-2022 um kosningu biskups Íslands og vígslubiskupa.

Þegar kalla átti fram niðurstöður tilnefninganna kom upp tæknilegt vandamál og tókst því ekki að telja tilnefningarnar eins fljótt og gert hafði verið ráð fyrir.

Samkvæmt nefndum starfsreglum skal talningu vera lokið innan sólarhrings frá því að tilnefningum lauk.

slg