Getur díakónían bjargað kirkjunni?

Prófessor emerita Ninna Edgardh

Djáknaráðstefna verður haldin í safnaðarheimili Hallgrímskirkju á morgun þann 5. mars frá kl. 10:00- 12:00.

Áhugaverð erindi verða flutt þar, en yfirskrift ráðstefnunnar er:

Getur díakonían bjargað kirkjunni? Djáknaráðstefna með Ninnu Edgardh.

Ninna Edgardh, prófessor emerita við háskólann í Uppsölum,  heldur tvö erindi á ráðstefnunni.

Hún hefur kennt og sinnt rannsóknum í kirkjufræðum (ecclesiology), diakoníu og félagsvísindum.

Ráðstefnan fer fram á ensku.

Allir áhugasamir eru hjartanlega velkomnir.

Fyrra erindið ber yfirskriftina: Getur diakonían bjargað kirkjunni?

Þar mun hún fjalla um hlutverk kristinna safnaða í kreppuástandi.

Auk þess talar hún um díakoníu Guðs og þjónustu kirkjunnar í þágu heimsins og ræðir um nýjan skilning á díakoníu sem byggir á nauðsyn þess að hlúa að náunga okkar, þar á meðal öðrum en mönnum.

Eftir fyrra erindið verða umræður og fólk fær sér kaffisopa.

Seinna erindið er um hlutverk díakoníu í Svíþjóð og víðar.

Er það byggt á nýjum bókmenntum og evrópskum verkefnum sem Ninna hefur tekið þátt í.

Ber það yfirskriftina: Getur díakonían bjargað kirkjum í kreppum?

Einnig spyr hún spurningarinnar: Getur díakonían bjargað heiminum í kreppum?

Hádegisverður í boði Djáknafélagsins verður klukkan 12:00-13:15.

Þessi ráðstefna sem er á vegum Djáknafélags Íslands, en er studd af Biskupsstofu og stéttarfélaginu Visku.

Djákafélagið er fagfélag innan Visku.

slg