Kynningarfundur í Vesturlandsprófastsdæmi í dag
KolbeinsstaðakirkjaNú styttist í kosningu til embættis biskups Íslands, en hún hefst fimmtudaginn 11.apríl kl. 12:00 og stendur til hádegis þann 16. apríl.
Kosningin er rafræn.
Kynningarfundir á þeim þremur frambjóðendum sem efst voru i tilnefningarferlinu eru í öllum prófastsdæmum landsins.
Þau eru sr. Elínborg Sturludóttir prestur í Dómkirkjunni í Reykjavík, sr. Guðmundur Karl Brynjarsson sóknarprestur í Lindakirkju og sr. Guðrún Karls Helgudóttir sóknarprestur í Grafarvogskirkju.
Á kynningarfundunum fá þau tækifæri til að kynna sig og málefni sín.
Nú þegar hafa verið haldnir fundir í Suðurprófastsdæmi, Reykjavíkurprófastsdæmum, Kjalarnesprófastsdæmi, Austurlandsprófastsdæmi, í Eyjafjarðar- og Þingeyjarprófastsdæmi, Húnavatns- og Skagafjarðarprófastsdæmi og nú síðast í Vestfjarðaprófastsdæmi í gærkveldi.
Upptökur af öllum þessum fundum má finna hér.
Nú er því aðeins einn kynningarfundur eftir.
Í dag 9. apríl kl. 17:00-19:00 verður síðasti kynningarfundurinn í Vesturlandsprófastsdæmi.
Verður hann haldinn verður í Félagsheimilinu Lindartungu sem er við Kolbeinsstaðakirkju.
Verður hann í beinu streymi á kirkjan.is og verður auk þess aðgengilegur áfram á netinu.
Allir fundirnir eru í beinu streym i á kirkjan.is og síðan aðgengilegir áfram á vefnum.
slg
