Sr. Ása Laufey ráðin

7. júní 2024

Sr. Ása Laufey ráðin

Sr. Ása Laufey Sæmundsdóttir

Biskup Íslands óskaði nýlega eftir presti til þjónustu við Háteigsprestakall, Reykjavíkurprófastsdæmi vestra.

Umsóknarfrestur rann út 14 maí s.l

Valnefnd kaus sr. Ásu Laufeyju Sæmundsdóttur prest innflytjenda til þjónustunnar.

Prestakallið  er ein sókn, Háteigssókn, sem er víðfeðm sókn með um 12.500 íbúa.

Sóknarmörk fylgja helstu stofnbrautum í Hlíðunum og Holtunum.

Myndarlegt safnaðarheimili er við kirkjuna.

Þar er góð starfsaðstaða fyrir prestana og annað starfsfólk.

Sr. Ása Laufey Sæmundsdóttir er fædd árið 1979 á Siglufirði og ólst síðar upp í Breiðholti og vesturbæ Reykjavíkur.

Hún lauk stúdentsprófi frá Menntaskólanum í Hamrahlíð árið 2000 og mag. theol gráðu í guðfræði frá Háskóla Íslands haustið 2013.

Sr. Ása Laufey lauk framhaldsmenntun í sálgæslu hjá Endurmenntun Háskóla Íslands vorið 2020 og MA prófi í guðfræði árið 2022.

Sr. Ása Laufey starfaði sem fræðslufulltrúi og prestur íslenska safnaðarins í Noregi frá árinu 2014 til ársins 2017.

Hún var vígð 22. febrúar árið 2015 til íslensku kirkjunnar í Noregi.

Hún starfaði síðar sem æskulýðsprestur í Neskirkju og sem héraðsprestur um nokkurt skeið í afleysingum og hafði þá aðsetur í Háteigskirkju.

Sr. Ása Laufey hefur síðustu þrjú ár þjónað sem annar prestur innflytjenda og haft aðsetur í Breiðholtskirkju.

Eiginmaður sr. Ásu Laufeyjar er Andrés Jónsson, stjórnendaráðgjafi og stofnandi Góðra samskipta.

Þau eiga eina dóttur, Lóu Bjarkar.

Þess má að lokum geta að afi Ásu Laufeyjar, sr. Árelíus Níelsson, þjónaði sem prestur víða um land, síðast í Langholtskirkju í Reykjavík.

Sr. Árelíus þótti sérlega afkastamikið skáld og var mikill forgöngumaður í æskulýðsstarfi og starfi með fólki með vímuefnavanda.

 

slg


  • Kirkjustaðir

  • Prestar og djáknar

  • Samstarf

  • Starf

  • Þjóðkirkjan

  • Trúin

  • Biskup

Sendinefnd LH með páfa

Í páfagarði

24. jún. 2024
...viðtal við dr. Arnfríði Guðmundsdóttur varaforseta Lútherska heimssambandsins
Sr. Hildur Eir blessar börnin

Kærleikurinn hlustar eftir hjartslætti okkar

24. jún. 2024
... spyr okkur ekki um afrek heldur hlustar eftir hjartslætti okkar, gleði sorgum, vonum og þrám.
Sr. Kristín Þórunn og Torvald æfa tónið fyrir messuna

Sumarstarf kirkjunnar er afar fjölbreytt

24. jún. 2024
...skógarmessa í sumarblíðu