Heimilislegar og lágstemmdar kvöldmessur í Bústaðakirkju
Bústaðakirkja í kvöldsólinniSú hefð hefur skapast í Bústaðakirkju í Fossvogsprestakalli að hafa kvöldmessur yfir sumartímann með þekktu tónlistarfólki.
Síðast liðinn sunnudag söng Margrét Hannesdóttir létt dægurlög í kvöldmessunni og næstkomandi sunnudag þann 21. júlí kl. 20:00 mun Jóhann Friðgeir Valdimarsson syngja einsöng og leiða almennan safnaðarsöng, ásamt Jónasi Þóri organista.
Sr. Þorvaldur Víðisson flytur hugleiðingu og leiðir stundina ásamt messuþjónum.
Guðspjall kvöldsins er einn af frægari textum Biblíunnar, fenginn úr Matteusarguðspjalli og hljóðar svona:
„Allt sem þér viljið að aðrir menn gjöri yður, það skuluð þér og þeim gjöra.“
Þessi texti hefur gjarnan verið kallaður Gullna reglan.
Að þessu sinni er kvöldmessan eina messan í Fossvogsprestakalli, þar sem sumarlokun stendur yfir í Grensáskirkju fram yfir verslunarmannahelgi.
Í frétt frá Bústaðakirkju segir:
„Kvöldmessurnar í Bústaðakirkju eru heimilislegar og lágstemmdar.
Litúrgían er einföld, þar sem Taize sálmar eru til dæmis sungnir í stað hefðbundinnar miskunnarbænar og dýrðarsöngs.
Verið hjartanlega velkomin til helgihalds í Fossvogsprestakalli."
Hér fyrir neðan eru myndir af sr. Þorvaldi, Jónasi Þóri og Jóhanni Friðgeir.
slg
Myndir með frétt
