Sr. Sigríður Kristín komin til starfa í Fossvogsprestakalli
![Sr. Sigríður Kristín Helgadóttir](/library/Files/Sr.%20Sigri%cc%81%c3%b0ur%20Kristi%cc%81n.jpg?proc=NewsImage)
Sr. Sigríður Kristín Helgadóttir fyrrum sóknarprestur í Breiðabólsstaðarprestakalli er nýráðinn prestur við Fossvogsprestakall.
Hún þjónar við prestakallið í fjarveru sr. Maríu Guðrúnar Ágústsdóttur, sem þjónar í afleysingu til áramóta við Glerárkirkju á Akureyri og sr. Evu Bjarkar Valdimarsdóttur, sem nú þjónar sem biskupsritari.
Sr. Sigríður Kristín þjónar í helgihaldi sunnudagsins 18. ágúst bæði í Bústaðakirkju og Grensáskirkju.
Messa fer fram í Grensáskirkju kl. 11:00, þar sem Kirkjukór Grensáskirkju syngur undir stjórn Ástu Haraldsdóttur organista.
Gengið verður til altaris.
Sr. Sigríður Kristín prédikar og þjónar fyrir altari ásamt messuþjónum.
Kvöldmessa fer fram í Bústaðakirkju kl. 20:00.
Una Dóra Þorbjörnsdóttir, sópran og Marteinn Snævarr Sigurðsson, tenór leiða almennan safnaðarsöng og syngja valda dúetta við undirleik Jónasar Þóris organista.
Gunnar Kristinn Óskarsson leikur á trompet.
Sr. Sigríður Kristín flytur hugleiðingu og leiðir stundina ásamt messuþjónum.
Hugleiðingarefni dagsins eru meðal annars spurningarnar:
Hvað er að vera trúuð manneskja?
Er það eitthvað sem hefst í fyrstu tilraun?
Í spádómsbók Jesaja segir:
Brákaðan reyrinn brýtur hann ekki sundur og dapran hörkveik slekkur hann ekki (Jes. 42:3)
Myndirnar hér fyrir neðan eru annars vegar af Ástu Haraldsdóttur organista Grensáskirkju og hins vegar af Unu Dóru, Marteini Snævarri og Jónasi Þóri.
slg