Friður og fjör á Kirkjudögum
![Regína Ósk og Svenni sjá um sunnudagaskólann](/library/Files/Regi%cc%81na%20O%cc%81sk%20og%20Svenni.jpg?proc=NewsImage)
Gleði gleði gleði!
Fjölskylduhátíð Kirkjudaga er á morgun, laugardag og fjölmörg spennandi atriði verða á dagskrá.
Íslenska veðrið er að hrekkja okkur og við færum því útidagskrána inn í safnaðarsalinn, en því miður getum við ekki verið með hoppukastala.
Við látum þetta ekki stoppa okkur í gleðinni.
Húsið verður iðandi af fjöri og við getum ekki beðið eftir að sjá ykkur á laugardaginn.
Allar upplýsingar um fjölskylduhátíðina eru hér.
Dagskráin hefst kl. 9:30 með helgistund, sem frú Agnes M. Sigðurðardóttir, biskup Íslands, sr. Jóna Kristín Þorvaldsdóttir og sr. Sigríður Rún Tryggvadóttir sjá um.
Sándor Kerekes er organisti og kór Egilsstaðakirkju syngur.
Kl. 10:00 verður dagskrá sem nefnist Sælir eru friðflytjendur - af hverju?
Umfjöllun og umræður um þema Kirkjudaga, hvað er friðflytjandi og hvað er friður?
Fjölskyldudagskrá:
Kl. 11:00 hefst fjölskyldudagskrá með hátíðarsunnudagaskóla.
Regína Ósk og Svenni sjá um stundina.
Regina Ósk syngur lagið Í öllum litum regnbogans.
Kl. 11:30 syngja barnakórar og kl. 12:00 er dagskrá sem nefnd er:
Hefur þú farið á mót?
Í barna- og unglingastarfi er oft farið í ferðalög og haldin skemmtileg æskulýðsmót.
Hér fá áhorfendur innsýn inn í þá stemningu sem gjarnan ríkir á slíkum stundum.
Hljómsveitin Lærisveinar Hans leikur.
Friðrik Ómar mun flytja splunkunýtt lag Færum öllum frið sem samið er í anda kirkjudaga.
Tvíeykið VÆB mun einnig skemmta.
Kl. 12:30 Uppáhaldssálmurinn minn.
Guðrún Árný Karlsdóttir syngur uppáhaldssálminn sinn.
Kl. 12:45 verður U2 messa.
Kór Keflavíkurkirkju flytur U2 messu og syngur lög hljómsveitarinnar U2 með íslenskum texta í þýðingu kórmeðlima.
Arnór Vilbergsson hefur útsett lögin og sér um stjórnun og undirleik.
Kórinn hefur flutt U2 messu bæði hérlendis og erlendis við góðan orðstír.
Kl. 13:15 Uppáhaldssálmurinn minn
Regína Ósk Óskarsdóttir og Diljá Pétursdóttir syngja uppáhaldssálmana sína.
Kl. 13:30 Kór Lindakirkju flytur lög eftir kórfélaga og stjórnanda kórsins.
Kl. 14:00 Uppáhaldssálmurinn minn
Gissur Páll Gissurarson og María Rut Baldursdóttir syngja uppáhaldssálmana sína.
Kl. 14:20 Kammerkór Áskirkju.
Kl. 14:40 Kaffistund / friðflytjendamyndbönd.
Kl. 15:00 Hlutverk og staða kirkjunnar á ófriðartímum.
Biskupar Norðurlandanna fjalla um áskoranir í starfi og boðun kirkjunnar í heimi þar sem ríkir stríð, átök og ófriður.
Hvað geta kirkjur á Norðurlöndum lagt til og hvert ert er hlutverk friðflytjenda í þessum aðstæðum?
Kl. 16:00 verður hátíðarhelgistund
Frú Agnes M. Sigurðardóttir og sr. Jóhanna Gísladóttir leiða stundina.
Guðný Einarsdóttir söngmálastjóri þjóðkirkjunnar stjórnar Kirkjukórnum við undirleik Sveins Arnar Sæmundssonar.
Í safnaðarheimilinu verður eftirfarandi dagskrá:
Kl. 10:00-11:00 Hvað virkar og hvað ekki í helgihaldi?
Hvernig á helgihald að vera til að það skapi einingu, samfélag og nánd hjá þeim sem sækja það?
Á vinnustofunni munu þátttakendur rýna í helgistund morgunsins, greina hvað það er sem fólki fannst ganga vel og síður vel í helgihaldinu og ræða úrbætur.
Niðurstöðurnar verða nýttar áfram í vinnu handbókarnefndar og með því að taka þátt í vinnustofunni gefst fólki kostur á að hafa áhrif á vinnu við nýja handbók í helgihaldi.
Umsjón hafa sr. Þorgeir Arason, sr. Irma Sjöfn Óskarsdóttir og sr. Aldís Rut Gísladóttir.
Kl. 11:00 verður útgáfufögnuður vegna hljóðbókar Biblíunnar.
Biblíufélgagið heldur útgáfufögnuð vegna útgáfu hljóðbókar Biblíunnar án apókrýfu bókanna.
Þar verður útgáfan kynnt og tækifæri gefst til að hlusta á og læra um hljóðbókina.
Það væri gaman að sem flestir Biblíuvinir gætu komið og fagnað þessum mikilvæga áfanga með okkur.
Kl. 11:30 Upplestur úr Jónasi
Í tilefni hljóðbókarútgáfu á Biblíufélagsins á Biblíunni, verða kaflar lesnir úr Jónasi.
Kl. 12:00 Bókakynningar
Kl. 12:30 hefst barnadagskrá í safnaðarheimlinu.
Kl. 12.30 Jón Víðis töframaður
Kl. 13:00 Íris Rós
Kl. 13:15 Jörgen Nilson, leikjameistari
Kl. 14:40 Dóra og döðlurnar
Kl. 15:00 Jörgen Nilson, leikjameistari
Kl. 15:30 Krossfit
Í kennslustofunni verður eftirfarandi dagskrá:
Kl. 10:00 Galdraofsóknir fyrr og nú!
Sr. Magnús Erlingsson ræðir um þetta málefni.
Kl. 11:00 Sálmaskáld spjalla um tónlist og trú.
Sr. Arna Grétarsdóttir sér um að leiða spjallið.
Kl. 12:00 Í þjónustu við lífið.
Dr. Guðlaug Helga Ásgeirsdóttir og sr. Sveinbjörg Katrín Pálsdóttir, sjúkrahúsprestar ræða um þjónustuna á sjúkráhúsunum.
Kl. 13:00 Hópastarf um aðalatriði helgisiðanna.
Dagskráin er á vegum handbókarnefndar.
Kl. 14:00 Hinar mörgu myndir Hallgríms - Maðurinn, ljóðin og leikirnir.
Sr. Eiríkur Jóhannsson og sr. Irma Sjöfn Óskarsdóttir ræða um sr. Hallgrím.
Kl. 15:00 Eru kirkjugarðar nauðsynlegir?
Guðmundur Rafn Sigurðsson, framkvæmdastjóri kirkjugarðaráðs leitast við að svara þeirri spurningu.
Völundarhús í kapellu verður kl. 12:00-16:00.
Kynningarbásar verða opnir frá kl. 11:00-16:00
Kaffihús er opið í safnaðarheimilinu frá kl. 10:00-16:00
slg