Fimm ára börn fengu Litlu Biblíuna

Um 100 manns sóttu fyrstu barnamessu haustsins í Bústaðakirkju.

Karen Jóhannsdóttir leiddi stundina, ásamt sr. Þorvaldi Víðissyni og Jónasi Þóri organista.

Þórður Sigurðarson formaður sóknarnefndar afhenti fimm ára börnum bókina Litla Biblían.

Sóknarnefndin bauð öllum fimm ára börnum, sem skráð eru í þjóðkirkjuna og búsett eru í hverfinu, sérstaklega til þátttöku í barnamessu dagsins, þar sem formaðurinn afhenti þeim bókina að gjöf.

Litla Biblían var gefin út af Skálholtsútgáfunni árið 2020 í þýðingu Karls Sigurbjörnssonar.

Bókin inniheldur kjarnafrásögur Biblíunnar og er prýdd fallegum myndum.

Einnig má í bókinni finna gagnlegar bænir fyrir börn á öllum aldri.

Letur bókarinnar er líka aðgengilegt fyrir þau sem eru að læra stafina og eru að byrja að læra að lesa.

Að lokinni fjörugri stund í kirkjunni var boðið upp á samveru í safnaðarheimilinu.

Silvia Seidenfaden tók myndirnar.
.

slg

Myndir með frétt