Hallgrímshátíð í Hvalsneskirkju

Hvalsneskirkja

Sunnudaginn 20. október er Hallgrímshátíð í Hvalsneskirkju, en þar þjónaði sálmaskáldið Hallgrímur Pétursson sín fyrstu prestsskaparár.

Hátíðin hefst með messu kl. 11:00 þar sem Kristján Björnsson vígslubiskup í Skálholti prédikar.

Hljómsveitin Klassart annast tónlist.

Eftir messuna verður boðið upp á súpu á Kaffi Golu.

Fræðsluerindin verða að því loknu.

Dr. Sólveig Ólafsdóttir sagnfræðingur flytur erindi sem hún nefnir Einu sinni var bjart og hlýtt. Elegían eftir horfnum tíma.

Dr. Torfi K. Stefánsson Hjaltalín flytur erindið Biskupinn blessar hjalla. Hallgrímur Pétursson og Suðurnesjaárin.

Milli erindanna syngur Magnea Tómasdóttir einsöng.

Um kvöldið kl. 20:00 verða stórtónleikar í Sandgerðiskirkju þar sem flutt verður tónverkið Um dauðans óvissa tíma með jazzhljómsveit.

Sjá frétt um tónleikana hér.

Sjá dagskrá Hallgrímshátíðar hér fyrir neðan.

slg

Myndir með frétt