Syngjum jólin inn

Syngjum jólin inn

Syngjum jólin inn nefnist dagskrá, sem er í Hallgrímskirkju sunnudaginn 22. desember kl. 17:00.

Á ensku nefnist þessi hefð „A Festival of Nine Lessons with Carols“ og er kórsöngur, almennur söngur og lestrar úr ritningunni.

Í þessari athöfn eru enskir jólasálmar sungnir á milli lestra úr Gamla og Nýja testamentinu sem tengjast spádómum um Jesú Krist og fæðingu hans.

Ensku jólasvöngvarnir voru fyrst haldnir í King´s College í Cambridge árið 1918.

Þessi hefð er vel þekkt á Englandi og víða á Norðurlöndunum.

Þar gefst kirkjugestum kostur á að undirbúa jólahátíðina með því að syngja marga af ástsælustu jólasálmunum auk þess að hlýða á fallegan kórsöng.

Kór Hallgrímskirkju, Graduale Nobili og Kór Langholtskirkju syngja og leiða almennan söng undir stjórn Steinars Loga Helgasonar, Agnesar Jórunnar Andrésdóttur og Magnúsar Ragnarssonar.

Björn Steinar Sólbergsson leikur á orgelið.

Prestar safnaðanna taka þátt í tónleikunum með lestrum úr ritningunni.

slg

Myndir með frétt