Laust starf organista

Hof í Vopnafirði

Sóknarnefndir í Vopnafjarðar, Hofs og Skeggjastaðasóknum auglýsa laust til umsóknar starf organista við sóknirnar frá og með 1. febrúar 2025 eða sem fyrst.

Um er að ræða 32% starf auk kórstjórnar karlakórs Vopnafjarðar.

Organisti hefur umsjón með hljóðfæraleik við athafnir í sóknunum og stýrir kórastarfi á svæðinu.

Tónlist skipar stóran sess við allt helgihald og kirkjustarf í sóknunum.

Við kirkjurnar þrjár starfa nú tveir kirkjukórar og karlakór.

Áhersla er lögð á að hlúa að og efla kórastarfið.

Sóknirnar þrjár tilheyra Hofsprestakalli og mun organisti starfa náið með presti, sóknarnefndum, meðhjálpurum og öðrum er koma að kirkjustarfinu.

Ábyrgðarsvið:

Að stýra tónlistarstarfi safnaðanna í samráði við presta, sóknarnefndir og annað starfsfólk.

Hljóðfæraleikur við athafnir, helgihald og annað kirkjustarf.

Stjórn kórastarfs við sóknirnar.

Umsjón með hljóðfærum í eigu safnaðanna.

Hæfnikröfur:

Kirkjutónlistarmenntun frá Tónskóla þjóðkirkjunnar eða sambærilegt nám.

Reynsla af flutningi tónlistar við helgihald.

Metnaður og áhugi fyrir öflugu kórastarfi.

Listfengi og hugmyndaauðgi.

Hæfni í mannlegum samskiptum.

Hæfni til að starfa sjálfstætt.

Launakjör eru samkvæmt samningum Félags íslenskra organista (FÍO) og Þjóðkirkjunnar.

Umsóknarfrestur um starfið er til 15. janúar 2025 og með umsóknum skulu fylgja afrit af prófskírteinum og ferilskrá.

Umsókninni skal fylgja stutt greinargerð um framtíðarsýn og væntingar og samþykki um öflun upplýsinga úr sakaskrá.

Umsóknum skal skilað á netfangið: boggasverris@gmail.com.

Nánari upplýsingar um starfið veitir Borghildur Sverrisdóttir, formaður sóknarnefndar Vopnafjarðarkirkju, í síma 855-1320 og á boggasverris@gmail.com.

slg

Myndir með frétt