Hverfa til annarra starfa

Prestarnir Daníel Ágúst og María

Grensáskirkja var þéttsetin í kveðjumessu Maríu Guðrúnardóttur Ágústsdóttur fráfarandi sóknarprests Fossvogsprestakalls og Daníels Ágústs Gautasonar fráfarandi æskulýðsprests, sem fram fór í gær, sunnudaginn 5. janúar 2025 kl. 11:00.

María prédikaði og þjónaði fyrir altari eftir prédikun, ásamt Daníel Ágústi.

Kirkjukór Grensáskirkju söng undir stjórn Ástu Haraldsdóttur organista.

Þorvaldur Víðisson og Bryndís Böðvarsdóttir prestar í Fossvogsprestakalli þjónuðu fyrir altari fram að prédikun, ásamt messuþjónum.

María hefur nú verið ráðin sóknarprestur í Reykholtsprestakalli í Borgarfirði og hefur þegar hafið störf.

Daníel Ágúst hefur verið ráðinn prestur við Lindakirkju í Kópavogi, í afleysingum fram á sumar.

Í lok guðsþjónustunnar þakkaði Erik Pálsson formaður sóknarnefndar Grensáskirkju þeim Maríu og Daníel Ágústi samstarfið og dýrmæt störf í prestakallinu.

Þórður Mar Sigurðsson formaður sóknarnefndar Bústaðakirkju var einnig viðstaddur og þakkaði samstarf og dýrmæta þjónustu.

Sóknarnefndin bauð til kaffisamsætis að athöfn lokinni í safnaðarheimili Grensáskirkju.


Á myndunum sem fylgja hér með eru:

Erik Pálsson, formaður sóknarnefndar Grensáskirkju, Þórður Mar Sigurðsson, formaður sóknarnefndar Bústaðakirkju, Sigurður Rúnar Ragnarsson prestur í Fossvogsprestakalli, Daníel Ágúst Gautason, Þorvaldur Víðisson, Eva Björk Valdimarsdóttir fyrrum prestur í Fossvogsprestakalli, sem nú gegnir starfi biskupsritara, María Guðrúnardóttir Ágústsdóttir og Bryndís Böðvarsdóttir.

slg

Myndir með frétt