Sr. Steinunn Anna ráðin

Sr. Steinunn Anna

Biskup Íslands auglýsti nýlega eftir presti við Seljakirkju í Reykjavík.

Valnefnd hefur valið Steinunni Önnu Baldvinsdóttur æskulýðsprest við Seljakirkju til starfsins.

Steinunn Anna er fædd árið 1991 og upp alin í Seljahverfi.

Hún er dóttir hjónanna Baldvins Bjarnasonar og Kristínar Jónu Grétarsdóttur.

Steinunn Anna er einstæð tveggja barna móðir og býr með börnum sínum, Sverri Valdimar 9 ára og Selmu Kristínu 2 ára í Seljhverfi.

Hún tók stúdentspróf frá Kvennaskólanum í Reykjavík, en þar stundaði hún nám við félagsfræðibraut.

Að loknu stúdentsprófi lá leiðin í Guðfræði og trúarbragðafræðideild Háskóla Íslands.

Árið 2015 lauk Steinunn Anna B.A. gráðu með guðfræði sem aðalgrein og tómstunda og félagsmálafræði sem aukagrein.

Samhliða náminu vann hún í eldhúsi á hjúkrunarheimilinu Skógarbæ, á frístundaheimilinu Vinaseli og sem æskulýðsleiðtogi í barnastarfi í Árbæjarkirkju.

Hún lauk B.A gráðu í guðfræði árið 2021 og mag. theol. gráðu í guðfræði árið 2024.

Starfsþjálfun tók Steinunn hjá dr. Maríu Guðrúnar Ágústdóttur í Fossvogsprestakalli sumarið 2023.

Hún var vígð til prestþjónustu í Seljakirku þann 20. maí árið 2024, þar sem hún sinnti hálfu starfi æskulýðsprests.

Steinunn Anna hefur frá árinu 2014 starfað í Seljakirku, fyrst sem kirkjuvörður og æskulýðsfulltrúi og síðar sem kirkjuvörður og æskulýðsprestur.

slg