Bryndís Svavarsdóttir

28. maí 2023

• Hvítasunnudagur

Lexía: Slm 104:24, 27-30, Pistill: 1Kor 2:12-16, Guðspjall: Jóh 14:15-21... Kirkjuvogskirkja Höfnum
Náð sé með yður og friður frá Guði vorum og Drottni Jesú Kristi.

Allir sunnudagar kirkjuársins hafa þema og þema dagsins er: Kirkja heilags anda.. Eins og við vitum, samanstendur hin heilaga þrenning af föður, syni og heilögum anda.. Aðalpersóna GT er Guð faðir, aðalpersóna NT er Jesús.. og í guðspjalli dagsins segir Jesús að hann muni ekki skilja okkur eftir munaðarlaus..  hann ætli að biðja Guð að senda okkur ANNAN hjálpara.. þ.e. heilagan anda.. Hjálpara sem er enn í dag með okkur.. Jesús sagði.. annan hjálpara.. því hann sjálfur.. var sendur fyrst..
í GT er engin bein skilgreining á hver heilagur andi er.. Hann er nefndur í fyrstu versum Biblíunnar, þegar Guð skapaði himinn og jörð.. og andi Guðs sveif yfir vötnunum.. Á ýmsum stöðum í GT er sagt að menn, td. spámenn Guðs hafi verið innblásnir af anda Guðs.. og andi Guðs er nefndur í nokkrum sálmum.. t.d. í sálmi 51, þar bað Davíð konungur: Skapa í mér hreint hjarta ó Guð.. og… Tak ei þinn heilaga anda frá mér.
Þegar konungur var smurður í Ísrael, merkti smurningin að konunginum hafi verið gefinn andi Drottins.. og hann var nefndur Messías eða ,,hinn smurði Drottins”.. Við krýningu Karls Bretakonungs nú nýverið.. var haldið í biblíulegar hefðir og hann var smurður.. Ekki held ég að Bretar telji Karl hafa öðlast anda Guðs við athöfnina, amk er hann ekki nefndur Messías.. en þetta sýnir okkur að margar hefðir lifa án þess að fólk endilega átti sig á uppruna þeirra.. EN.. Hugtakið Messías breyttist í GT yfir í merkinguna ,,Frelsari þjóðarinnar” sá sem ætti eftir að koma..og kristnir menn trúa að sé Jesús Kristur.
Eins og í GT.. þá er heilagur andi líka nefndur í fyrstu versum NT.. það hefst á því að María er þunguð af heilögum anda og eignast Jesú, son Guðs.. Frásögnin er mjög látlaus.. og næst lesum við um heilagan anda þegar Jóhannes skírir Jesú.. en þá er sagt að heilagur andi hafi stigið niður yfir Jesú í líkamlegri mynd, eins og dúfa.. og rödd Guðs kom af himni..

Hvergi annars staðar höfum við frásögn um að heilagur andi hafi ,,líkama”.. og þetta er, að því að ég best veit.. eina frásögnin í Biblíunni af því, að heilög þrenning hafi verið saman komin á einum stað..
Áður en Jesús sté upp til himins.. kynnti hann heilagan anda sem kraft.. Jesús sagði: Ég sendi ykkur andann sem faðir minn hét ykkur en verið kyrr í borginni (Jerúsalem) uns þið íklæðist krafti frá hæðum.“ Og Postulasagan segir okkar að á hvítasunnudag.. gerðist það kraftaverk í Jerúsalem að heilagur andi opinberaðist mönnum sem kvíslandi eldtungur..
Það voru ekki bara postularnir.. heldur ALLIR fylltust heilögum anda.. og þeir töluðu tung- um.. ekki eitthvað bull, heldur skildu menn tungumálin sem voru töluð.. útlendingar skildu hvern annan.. Þannig var hið fyrsta verk heilags anda að veita aukinn skilning á máttarverkum Guðs..
Heilagur andi hefur nokkur nöfn, hann er kallaður ,,huggari og hjálpari” því hann var sendur okkur til leiðbeiningar, halds og trausts, en auk þess er hann kallaður andi speki og skilnings.. þ.e. hlutverk hans er að veita aukinn skilning á orði og vilja Guðs.. opna augu okkar fyrir boðskapnum.. minna okkur á orð Jesú og kenna okkur þannig að rata réttan veg..     En hver er hann??
Hugtakið ,,andi” gefur til kynna eitthvað óáþreifanlegt.. eitthvað sem við sjáum ekki.. Og við getum spurt okkur: Skapar það vandamál ?..
Við sjáum heldur ekki Guð og Jesú.. þó við sjáum þá.. fyrir okkur sem persónur.. og aðeins Jesús hefur gengið hér á jörð í áþreifanlegri og snertanlegri persónu.. 

Er það kannski ástæða þess.. að heilagur andi verður hálfpartinn útundan hjá okkur.. Hann hefur ekki ímyndað útlit persónu.. hann hefur ekki andlit..
Svo höfum við annað vandamál.. því okkar mannlega eðli býr til valdastiga.. eins og við sjáum í valdamynstri heimsins.. Þar höfum við kónga, drottningar, forseta, forstjóra, ættar-höfðingja og í sumum samfélögum stjórnar höfuð fjölskyldunnar.. sá sem er elstur.. Þessi embætti fara með æðsta vald.. og það er bara EINN á toppnum.. og.. Uppsetningin á trúar-játningunni ýtir undir hugmynd um valdastiga.. Guð er nefndur fyrstur og er almáttugur, síðan Jesús, sem birtist okkur sem hinn hlýðni sonur, sem gerði vilja föðurins og síðastur er heilagur andi.. EN.. Þó uppröðunin sé svona.. þá er enginn valdastigi..  ÞEIR ERU ALLIR JAFNIR.. ÞVÍ hin heilaga þrenning ER EINN GUÐ..
Hlutverk heilagrar þenningar eru sett þannig fram.. að, náðin fæst fyrir trú á Jesú Krist.. kærleikurinn kemur frá Guði og.. samfélagið við Guð, fáum við fyrir heilagan anda..
Við signum okkur og blessum í nafni heilagrar þrenningar.. játum trú á heilaga þrenningu.. EN.. við biðjum til Guðs og Jesú, en sjaldan eða aldrei til heilags anda..

Veltum aðeins fyrir okkur hvers vegna það virkar svo snúið fyrir okkur að sjá heilagan anda sem persónu..