Sálmabók

1 Guðs engill birtist ungri stúlku hjá
með yndislegan boðskap himnum frá
og sagði: „Heil vert þú er hlýtur náð hjá Guði.“
Þú mætust allra meyja, María!

2 „Í fylling tímans fæða munt þú son
er flytur myrkum heimi trú og von
og leggur smyrsl við lífsins sár af heitu hjarta.“
Þú mætust allra meyja, María!

3 Þá heyrðist röddin hlý og mildileg:
„Sem Herrann æskir, fús það geri ég.“
Við orðin blíð á brautu hvarf þá Gabríel.
Þú mætust allra meyja, María!

4 Svo fæddist blessað barn, Emmanúel.
Í Betlehem upp lýstist himinhvel.
Enn minnist kristinn lýður þess um allar álfur.
Þú mætust allra meyja, María!