Tilkynning frá Prestafélagi Íslands

20. desember 2017

Tilkynning frá Prestafélagi Íslands

Með nýjum sérúrskurði kjararáðs lýkur 12 ára bið eftir endurskoðun á launakerfi presta. Stjórn Prestafélagsins bendir á að leiðréttingin, sem nú er gerð, byggir að hluta á sömu forsendum um launaþróun og þeim sem liggja að baki úrskurðum vegna annarra hópa sem heyra undir kjararáð, meðal annars lækkun launa árið 2009. Mesta breytingin er samt á launakerfi presta og miðar hún að því að gera það skýrara og gagnsærra en verið hefur.

Kjararáð hefur lagt mikla vinnu í úrskurð sinn og er það með öðru skýring á því hve dregist hefur að kveða hann upp. Prestafélagið hefur lagt sig fram um að lýsa því sem felst í störfum presta og biskupa en um eiginlega kröfugerð hefur ekki verið að ræða.

Kerfisbreytingin byggir á því að hvert prestsembætti er nú metið eftir umfangi þess, fjölda sókna, íbúafjölda og ábyrgð sem lýst er í lögum, starfsreglum, reglugerðum og vígslubréfi. Einnig er stuðst við innri samþykkir um þjónustu kirkjunnar og lýsingu á sóknum og öðrum starfsvettvangi presta, sóknarpresta, sérþjónustupresta, héraðspresta, prófasta, vígslubiskupa og biskups Íslands. Óskýrir launaliðir hafa verið felldir niður til einföldunar í þessu nýja kerfi.

Samkvæmt þessum úrskurði hækka grunnlaun og heildarlaun presta mismikið og ekki er hægt að leggja mat á hækkunina fyrr en búið er að raða niður í launaflokka.

Stjórn Prestafélags Íslands telur að nýtt mat kjararáðs á umfangi prestsþjónustunnar muni reynast raunsætt og bindur vonir við að það sé í samræmi við ábyrgð, óreglulegan vinnutíma presta og mikla þjónustu jafnt virka daga sem helga, á hátíðum og ýmsum tímamótum í lífi fólks og samfélags.

Nánari upplýsingar veitir sr. Kristján Björnsson, formaður Prestafélags Íslands og sóknarprestur Eyrarbakkaprestakalls. Sími 856 1592. klerkur8@gmail.com
  • Frétt

  • Skipulag

Hallgrímskirkja í Saurbæ. Þar urðu Passíusálmarnir til en talið er að sr. Hallgrímur hafi ort þá á árunum 1656-1659. Mynd tekin á föstudaginn langa 2019.
09
apr.

Veiran raskar hefð en sigrar ekki

Passíusálmarnir og föstudagurinn langi
Rósa Kristjánsdóttir, deildarstjóri sálgæslu djákna og presta, fyrir altari, sr. Vigfús Bjarni Albertsson, og fjær sr. Ingólfur Hartvigsson
09
apr.

Allt er öðruvísi

Prestar og djákni í spítalaklæðum
Dómkirkjan í Reykjavík segir: Horfðu og hlustaðu heima!
08
apr.

Helgihald innanhúss

um bænadaga og páska í sjónvarpi og útvarpi