Nýr prófastur á Austurlandi

5. apríl 2019

Nýr prófastur á Austurlandi

Séra Sigríður Rún Tryggvadóttir hefur verið valin nýr prófastur Austurlandsprófastsdæmis en hún tekur við af sr. Davíð Baldurssyni.

Sigríður Rún hefur síðan 2013 þjónað sem prestur í Egilsstaðaprestakalli, með búsetuskyldu og sérþjónustu á Seyðisfirði en nú bætast prófastskyldur við þjónustu hennar. Sigríður Rún hefur lengi verið áberandi í æskulýðsstarfi kirkjunnar. Frá því að hún útskrifaðist úr guðfræði með Cand. Theol. próf 2003 hefur hún unnið í fullu starfið í kirkjunni, lengst af í barna- og æskulýðsstarfi í mörgum ólíkum söfnuðum og var m.a. æskulýðsfulltrúi í Fella- og Hólakirkju og Ábæjarkirkju. Hún var verkefnisstjóri á biskupsstofu í verkefni sem heitir Lífsleikni Þjóðkirkjunnar og framkvæmdastjóri Æskulýðssambands Þjóðkirkjunnar.

Innsetningarmessa

Frú Sólveig Lára Guðmundsdóttir vígslubiskup á Hólum setur sr. Sigríði Rún inn í embætti prófasts í kvöldmessu sunnudaginn 7. apríl klukkan 20:00. Ásamt þeim þjóna sr. Davíð Baldursson, sr. Þorgeir Arason og sr. Ólöf Margrét Snorradóttir fyrir altari. Kór Seyðisfjarðarkirkju leiðir almennan safnaðarsöng. Organisti og kórstjóri er Rusa Petriashvili.
Meðhjálpari er Jóhann Grétar Einarsson. Viðstöddum er boðið að þiggja veitingar á Hótel Öldu að messu lokinn.


  • Frétt

Guðmundir Ingi Guðbrandsson, umhverfis- og auðlindaráðherra, ávarpar rafrænt umhverfisþing Sameinuðu þjóðanna

„Við þurfum gildi og von...“

27. feb. 2021
Skálholtsráðstefnu fylgt eftir...
Sr. Agnes M. Sigurðardóttir, biskup, flutti ávarp og blessaði starfsemina, Guðni Th. Jóhannesson flutti einnig ávarp, og Rósa Björg Brynjarsdóttir, sem veitir Skjólinu forstöðu

Skjólið opnað með viðhöfn

26. feb. 2021
...útrétt hjálparhönd
Sr. Elínborg Sturludóttir flytur hugleiðingu við upphaf örpílagrímagöngu sem farin var í gær í blíðskaparveðri

Pílagrímar í borg

25. feb. 2021
...örpílagrímagöngur eru fyrir þig