Samstarf kirkju og lögreglu - og persónuverndarmál

24. apríl 2019

Samstarf kirkju og lögreglu - og persónuverndarmál

Vorfundur presta í Reykjavíkurprófastsdæmi vestra var haldinn í safnaðarheimili Dómkirkjunnar í Reykjavík í dag.

Tvö mál voru á dagskrá

Samstarf kirkjunnar og lögreglunnar. Um það mál fjölluðu þeir Margeir Sveinsson, aðstoðaryfirlögregluþjónn, og Einar Guðberg Jónsson, lögreglufulltrúi.

Röktu þeir aðstæður þar sem kemur til samvinnu milli lögreglu og presta. Er það einkum þá tilkynna þarf andlát sem borið hefur að t.d. vegna slysfara. Einnig samstarf lögreglu og presta þá andlát ber að í heimahúsum og þá með voveiflegum hætti, t.d. sjálfsvíg. Lögðu þeir þunga áherslu á aðkomu presta í þeim málum sem væri mjög mikilvæg. Nefndu þeir sem dæmi um viðkvæm mál sem fyrst þarf að fá samþykki fyrir eins og krufningarleyfi frá aðstandendum. Þó nokkrar umræður spunnust um málið og var fólk á því að samvinna þessi hefði verið með ágætum og hana þyrfti að rækta enn frekar eftir aðstæðum hverju sinni.

Hitt mál fundarins var hin nýja persónuverndarlöggjöf sem gekk í gildi 15. júlí á síðasta ári. Framsögu um málið hafði Brynja Dögg Guðmundsdóttir Briem, persónuverndarfulltrúi á Biskupsstofu.

Þó nokkur umræða hefur verið meðal presta um þessa nýju löggjöf og þá einkum er snertir myndbirtingar t.d. af fermingarbörnum. Brynja Dögg fór rækilega yfir málið og skýrði meginþætti þess. Margar spurningar voru lagðar fram og ýmis mál er tengjast heimasíðum kirkna og Facebókar-síðum rædd.

Ljóst er að tíminn mun skera úr um hver verður framkvæmd á þessari nýju löggjöf sem augljóslega mun hafa áhrif á ýmislegt í starfi safnaða hvað snertir myndbirtingar frá ýmsum kirkjulegum athöfnum.

Sr. Helga Soffía Konráðsdóttir, prófastur, stýrði fundi.

  • Frétt

Hallgrímskirkja í Saurbæ á Hvalfjarðarströnd - aðrar  kirkjur í Garða- og Saurbæjarprestakalli eru á Akranesi, Leirá og Innra-Hólmi
19
feb.

Tvær ráðnar

Garða- og Hvalfjarðarstrandarprestakall fullskipað
Sr. Agnes talaði við heimilisfólkið á dvalarheimilinu í Ólafsvík
19
feb.

Biskup meðal barna og skólafólks, eldri borgara og bæjarstjórnarmanna

Víða farið um Ólafsvíkur- og Ingjaldshólsprestakall og Setbergsprestakall
Merki-þjóðkirkjunnar.png - mynd
18
feb.

Guð elskar okkur eins og við erum - Ákall um íslenskt dvalarleyfi fyrir Maní Shahidi

Við, undirritaðir biskupar þjóðkirkjunnar, hvetjum dómsmálaráðherra til að koma í veg fyrir að fjölskyldunni verði vísað úr landi á forsendum mannúðar og kærleika.