Skotthúfan í Stykkishólmi

5. júlí 2019

Skotthúfan í Stykkishólmi

Skotthúfan 2019 - Dúettinn YljaSkotthúfan 2019, þjóðbúningadagur Norska hússins - byggðasafns Snæfellinga og Hnappdæla - í Stykkishólmi, var haldin þann 29. júní síðastliðinn, þetta er í fimmtánda skipti sem hátíðin er haldin, og hefur þessi dagur gefið fólki tækifæri til að skarta sínum þjóðbúning og hitta aðra sem áhuga hafa á þjóðbúningnum.
Það er alltaf nokkur spenna í kringum hátíðina og alltaf gaman að sjá fólkið sem kemur prúðbúið í þjóðbúning.

Formleg dagskrá hófst kl.13:00 á því að Guðrún Hildur Rosenkjær var með fyrirlestur í Eldfjallsafninu, sem hún nefnir Endurgerðar kvenpeysur frá 19. öld og sitthvað fleira á prjónunum. Í gegnum tíðina hafa verið hinar ýmsu uppákomur, í formi fyrirlestra og leiðbeininga við lagfæringar og saumaskap á þjóðbúning, þjóðdansasýningar og fleira.

Að því loknu var svo gestum sem skörtuðu þjóðbúning boðið í kaffi og pönnukökur í stofum Norska hússins, sem er elsta tvílyfta húsið á Íslandi og var heimili Árna Thorlacíusar. Hefur húsið verið gert upp í þeirri mynd sem það var í þá daga og þjónar nú hlutverki byggðasafns.

Kl. 16:00 var svo lokapunktur hátíðarinnar, þá var gestum og gangandi boðið til tónleika í Gömlu kirkjunni og það var dúettinn Ylja sem spilaði og söng, ekki þarf að taka það fram að fólk í þjóðbúningum passar afar vel inn í Gömlu kirkjuna sem íbúar Stykkishólms tóku að sér að lagfæra af miklum myndarbrag og sem mest í upphaflegri mynd. Gamla kirkjan var svo endurvígð árið 1998 af Séra Karli Sigurbjörnsyni biskup.

Ef þið eigið leið um Stykkishólm í sumar skoðið endilega Gömlu kirkjuna sem skartar sínu fegursta í bænum.
  • Frétt

  • Menning

  • Samfélag

  • Tónlist

  • Viðburður

  • Menning

  • Samfélag

biskupafundur 2.jpg - mynd

Yfirlýsing frá biskupafundi Þjóðkirkjunnar

18. maí 2025
„Sama hve máttlaus við kunnum að upplifa okkur gagnvart atburðum utan landsteina Íslands megum við aldrei sætta okkur við að ofbeldi, hvar sem er í heiminum, sé á einhvern hátt ásættanlegt eða eðlilegur hluti af tilveru...
Logo.jpg - mynd

Opið fyrir umsóknir um styrki úr kynningar-, fræðslu- og útgáfusjóði Þjóðkirkjunnar

06. maí 2025
Hlutverk sjóðsins að styðja við og efla kynningar- og fræðslustarf kirkjunnar svo og útgáfustarfsemi á því sviði.
Sr. Karen Hjartardóttir

Sr. Karen Hjartardóttir ráðin

05. maí 2025
...í Setbergsprestakall