Prestsvígsla í Skálholti

23. ágúst 2019

Prestsvígsla í Skálholti

Helga Kolbeinsdóttir, tilvonandi æskulýðsprestur

Sunnudaginn 25. ágúst kl. 14.00 verður Helga Kolbeinsdóttir, æskulýðsfulltrúi í Digraness- og Hjallasóknum í Kópavogi, vígð í Skálholtsdómkirkju sem æskulýðsprestur í þessum söfnuðum. Sr. Kristján Björnsson, vígslubiskup, vígir hana og er þetta fyrsta prestsvígsla hans.

Helga lauk mag. theol., prófi í guðfræði frá Háskóla Íslands 2013. Hún starfaði sem prestur í Noregi í þrjú ár, 2013-2016. Þá útskrifaðist hún með diplómagráðu í fjölskyldufræði frá Endurmenntunarstofnun Háskóla Íslands 2018.  

Vígsluvottar verða sr. Skírnir Garðarsson, settur sóknarprestur í Skálholti, sr. Gísli Jónasson, prófastur, sr. Gunnar Sigurjónsson, sóknarprestur, sr. Sunna Dóra Möller, sr. Jóna Hrönn Bolladóttir og sr. Arna Grétarsdóttir, sem lýsir vígslu.

Skálholtskórinn syngur undir stjórn Jóns Bjarnasonar.

Að lokinni vígslumessu verður boðið í vígslukaffi í Skálholtsskóla.


  • Æskulýðsmál

  • Embætti

  • Frétt

  • Menning

  • Messa

  • Samfélag

  • Trúin

  • Viðburður

  • Menning

  • Samfélag

Listaverk í Skálholti eftir Rósu Gísladóttur
15
júl.

Róm heimsækir Skálholt

Merkileg listsýning
Breiðabólsstaðarkirkja í Fljótshlíð - Myndina tók sr. Sigurður Ægisson
14
júl.

Tíu sóttu um Breiðabólsstað

Umsóknarfrestur rann út 13. júlí.
Skálholtsdómkirkja og Þorláksbúð
13
júl.

Glæsileg dagskrá

Skálholtshátíð 2020