Eldhugi í umhverfismálum

8. október 2019

Eldhugi í umhverfismálum

Sr. Jim Antal, umhverfisverndarsinni

Dr. Jim Antal hefur verið aðgerðasinni í umhverfismálum frá fyrsta Jarðardeginum árið 1970.

Séra Antal starfar innan Sameinaðrar kirkju Krists í Bandaríkjunum sem telur milljón fullorðinna einstaklinga í 5000 söfnuðum. Frá 2006 til 2018 var hann leiðtogi kirkjunnar í Massachusette fylki. Nú starfar hann sem sérstakur ráðgjafi landsleiðtoga United Church of Christ í umhverfismálum.

Jim Antal er mikill eldhugi í prédikun sinni og er sérstaklega kunnur fyrir vakningarbækur sínar um mikilvægi afstöðubreytingar í umhverfismálum. Hundruð safnaða um öll Bandaríkin eru um þessar mundir að lesa bók hans, Loftslagskirkja – Loftslagsheimur (Climate Church – Climate World) sem út kom í fyrra. Hann hefur haft mikil áhrif á stefnu United Church of Christ í loftslags- og umhverfismálum.
Antal útskrifaðist frá Princeton háskóla og Guðfræðiskólanum í Yale.

Hann er hér á Íslandi í boði þjóðkirkjunnar og tekur þátt í Skálholtsráðstefnu um Umhverfissiðbót í þágu jarðar, sem hófst í dag þriðjudaginn 8. okt., og í málstofu á Hringborði norðurslóða um Siðbót í þágu sjálfbærnimarkmiða Sameinuðu þjóðanna, sem haldin verður í Safnahúsinu, Hverfisgötu 15, föstudaginn 11. október.

Hann prédikar næstkomandi sunnudag, 13. október, í Grafarvogskirkju kl. 11.00.


  • Fræðsla

  • Frétt

  • Fundur

  • Menning

  • Messa

  • Samfélag

  • Trúin

  • Viðburður

  • Fræðsla

  • Menning

  • Samfélag

Á svölum vetrardögum er gott að orna sér við tónlistina

„...gefandi og uppbyggjandi...“

26. jan. 2021
Kraftmikið námskeið í boði
Bessastaðakirkja á fallegum degi

Elvis í Bessastaðakirkju

25. jan. 2021
...góð stund
Skírnarskál Digraneskirkju - myndbrot

Kynning á störfum

24. jan. 2021
...ný tækifæri