Biskup heilsaði fyrst upp á börnin

31. janúar 2020

Biskup heilsaði fyrst upp á börnin

Í Grunnskóla Borgarness. Frá vinstri Júlía Guðjónsdóttir, skólastjóri, Ragnhildur Kristín Einarsdóttir, aðstoðarskólastjóri, biskup Íslands og prófasturinn á Borg

Sr. Agnes M. Sigurðardóttir, biskup, heimsótti Grunnskólann í Borgarnesi í gær. Það var fyrsta verk hennar í vísitasíunni. Sr. Þorvaldur Víðisson, biskupsritari var með í för sem og prófasturinn á Borg, sr. Þorbjörn Hlynur Árnason.

Skólastjórnendur, þær Júlía Guðjónsdóttir, skólastjóri, og Ragnhildur Kristín Einarsdóttir, aðstoðarskólastjóri, sýndu þeim skólann.

Biskup ræddi við börnin og kennara, fór vel á með þeim öllum sem og föruneyti hennar. Uppbyggingarstefna og velferðarkennsla í grunnskólanum var kynnt fyrir gestunum.

Síðar var samvera á hjúkrunar- og dvalarheimilinu Brákarhlíð. Biskup Íslands flutti hugleiðingu og ræddi við fólkið. 

Biskupi og föruneyti hennar var afar vel tekið. 

Vísitasía biskups í Borgarprestakalli heldur áfram í dag.

Dagskrá vísitasíunnar í dag er með þessum hætti:

Kl 10.30 Akrakirkja - kirkjuskoðun og fundur með sóknarnefnd.
Kl 12.00 Hádegisverður á Brúarlandi
Kl 14.00 Álftártungukirkja – kirkjuskoðun og fundur með sóknarnefnd.
Kl 16.00 Álftaneskirkja – kirkjuskoðun og fundur með sóknarnefnd

hsh

Sr. Agnes, biskup, flutti hugleiðingu og ræddi við heimilisfólk í Brákarhlíð og fékk hún hlýjar móttökur

  • Biskup

  • Frétt

  • Menning

  • Samfélag

  • Viðburður

  • Biskup

  • Menning

  • Samfélag

Lokalóló.JPG - mynd
20
feb.

Tvö störf héraðspresta laus

...umsóknafrestur til 4. mars n.k.
Hallgrímskirkja í Saurbæ á Hvalfjarðarströnd - aðrar  kirkjur í Garða- og Saurbæjarprestakalli eru á Akranesi, Leirá og Innra-Hólmi
19
feb.

Tvær ráðnar

Garða- og Saurbæjarprestakall fullskipað
Sr. Agnes talaði við heimilisfólkið á dvalarheimilinu í Ólafsvík
19
feb.

Biskup meðal barna og skólafólks, eldri borgara og bæjarstjórnarmanna

Víða farið um Ólafsvíkur- og Ingjaldshólsprestakall og Setbergsprestakall