Nýr prestur í Þorlákshöfn

08. febrúar 2020

Nýr prestur í Þorlákshöfn

Sr. Sigríður Munda Jónsdóttir

Umsóknarfrestur um Þorlákshafnarprestakalli, Suðurprófastsdæmi rann út 9. desember. Auglýst var eftir sóknarpresti til þjónustu við prestakallið frá og með 1. febrúar 2020. Sex sóttu um starfið.

Kjörnefnd kaus sr. Sigríði Mundu Jónsdóttur til starfans og hefur biskup Íslands, sr. Agnes M. Sigurðardóttir, staðfest ráðningu hennar.

Í samræmi við þær breytingar sem nú hafa orðið á starfsmannamálum þjóðkirkjunnar er sr. Sigríður Munda ráðinn ótímabundið í starfið með hefðbundnum uppsagnarfresti.

Sr. Sigríður Munda er fædd á Akranesi 1. júlí 1966 og ólst upp í Saurbæ á Hvalfjarðarströnd. Hún er dóttir sr. Jóns Einarssonar (d. 1995) og Hugrúnar Guðjónsdóttur, húfsfreyju.

Sr. Sigríður Munda lauk stúdentspróf frá Fjölbrautaskólanum á Akranesi vorið 1986. Þá lauk hún BA-próf í uppeldisfræði frá Háskóla Íslands árið 1996 og cand. theol. próf frá sama skóla árið 2003. Diplómaprófi í jákvæðri sálfræði lauk hún frá Endurmenntun Háskóla Íslands vorið 2017 og mun ljúka diplómaprófi í sálgæslufræðum í vor frá sömu stofnun.

Sr. Sigríður Munda var vígð árið 2004 til Ólafsfjarðarprestakalls í Eyjafjarðar- og Þingeyjarprófastsdæmi.

Sr. Sigríður Munda hefur lagt gjörva hönd á margt. Hún hefur fengist við kennslu og unnið á leikskólum, sinnt landvörslu svo nokkuð sé nefnt. Hún var meðritstjóri Orðsins, rits Félags guðfræðinema, sat í héraðsnefnd Eyjafjarðar- og Þingeyjarprófastsdæmis, varamaður í stjórn P.Í., var stjórnarkona í Félagi prestsvígðra kvenna. Hún sat í stjórn Ólafsfjarðardeildar Rauða kross Íslands í nokkur ár; hefur verið félagi í Rótarýklúbbi Ólafsfjarðar. Hún hefur setið á kirkjuþingi frá 2018 fyrir vígða í Hólakjördæmi.

Í Þorlákshafnarprestakalli, eru tvær sóknir, Þorláks- og Hjallasókn í Ölfusi og Strandarsókn, með tæplega 1.800 íbúa og þrjár kirkjur: Þorlákskirkja í Þorlákshöfn, Hjallakirkja að Hjalla í Ölfusi og hin fornfræga Strandarkirkja að Strönd í Selvogi.

Þorláks- og Hjallasókn í Ölfusi og Strandarsókn eru á samstarfssvæði með Selfoss-, Hraungerðis-, Laugardæla-, Villingaholts- Gaulverjabæjar-, Eyrarbakka-, Stokkseyrar-, Hveragerðis- og Kotstrandarsóknum.

hsh


  • Biskup

  • Frétt

  • Menning

  • Samfélag

  • Umsókn

  • Biskup

  • Menning

  • Samfélag

Lokalóló.JPG - mynd
20
feb.

Tvö störf héraðspresta laus

...umsóknafrestur til 4. mars n.k.
Hallgrímskirkja í Saurbæ á Hvalfjarðarströnd - aðrar  kirkjur í Garða- og Saurbæjarprestakalli eru á Akranesi, Leirá og Innra-Hólmi
19
feb.

Tvær ráðnar

Garða- og Saurbæjarprestakall fullskipað
Sr. Agnes talaði við heimilisfólkið á dvalarheimilinu í Ólafsvík
19
feb.

Biskup meðal barna og skólafólks, eldri borgara og bæjarstjórnarmanna

Víða farið um Ólafsvíkur- og Ingjaldshólsprestakall og Setbergsprestakall