Hjálparstarf kirkjunnar styrkt

29. desember 2021

Hjálparstarf kirkjunnar styrkt

Guðmundur Ingi Guðbrandsson, félagsmála- og vinnumarkaðsráðherra, og Bjarni Gíslason, framkvæmdastjóri Hjálparstarfs kirkjunnar, undirrita samning um styrkinn góða

Hjálparstarf kirkjunnar fékk mikla og verðskulduga viðurkenningu þegar því var veittur 10 milljóna króna styrkur til að efla félagslega ráðgjöf gagnvart því fólki er nýtir sér þjónustu þess.

Það var Guðmundur Ingi Guðbrandsson, félagsmála- og vinnumarkaðsráðherra, sem undirritaði á Þorláksmessu samning um styrkveitingu til Hjálparstarfsins, ásamt Bjarna Gíslasyni, framkvæmdastjóra Hjálparstarfsins.

Sú þjónusta sem Hjálparstarf kirkjunnar veitir innanland er umsvifamikil. Fátækt fók fær aðstoð þegar neyð sækir að. Augum er sérstaklega beint að barnafjölskyldum til þess að tryggja sem kostur er velferð barna.

Kórónuveirufaraldurinn hefur kallað á meiri ráðgjöf og sálrænan stuðning við þau er nýta sér þjónustu Hjálparstarfsins. Ljóst er að faraldurinn hefur haft sálræn áhrif á fólk og þörf eftir andlegum stuðningi aukist sem og félagslegri ráðgjöf. Síðastliðin tæp tvö ár hefur fólk af 80 mismunandi þjóðernum leitað aðstoðar hjá Hjálparstarfinu.

Í samningnum við Hjálparstarf kirkjunnar verður lögð sérstök áhersla á að efla félagslega ráðgjöf við unga námsmenn í viðkvæmri stöðu en vísbendingar eru um að áhrif þeirra samfélagsbreytinga sem urðu vegna Covid-19 hafi haft meiri áhrif á líðan ungmenna í framhaldsskólum en almennings í heild.

Á vef ráðuneytisins er þetta haft eftir Guðmundi Inga Guðbrandssyni, félagsmála-og vinnumarkaðsráðherra:
„Covid-19 faraldurinn hefur reynt mikið á og langvarandi álag og streita á slíkum álagstímum sem þessum getur haft mikil áhrif á andlega líðan fólks. Hjálparstarf kirkjunnar hefur unnið ómetanlegt starf með stuðningi sínum við bæði ungt fólk og aðra viðkvæma hópa, og því er einkar ánægjulegt að geta stutt við og eflt það góða starf.“

hsh

  • Frétt

  • Hjálparstarf

  • Samfélag

  • Samstarf

  • Sálgæsla

  • Covid-19

Dr. Magnús Þorkell Bernharðsson prófessor í sögu Mið-Austurlanda við Williams College, Massachussets

Góður gestur

18. jan. 2022
...bænavikan og Miðausturlönd
Skálholtsdómkirkja á vordegi - mynd: hsh

Starf laust í Skálholti

17. jan. 2022
...ráðsmaður og umsjónarmaður fasteigna
Seltjarnarneskirkja hefur sýnt mikinn kraft í rafrænu helgihaldi - sr. Bjarni Þór Bjarnason, sóknarprestur - mynd: hsh

Rafrænt helgihald

16. jan. 2022
...margt í boði