Vel mætt í bænastundir

Sr. Erla Björk Jónsdóttir

Síðasta bænastundin fyrir sumarfrí í Dalvíkurkirkju var síðast liðinn miðvikudag þann 26. júní.

Bænastundirnar hefjast aftur í september.

Sr. Erla Björk Jónsdóttir prestur í Dalvíkurprestakalli leiddi stundina, en bræður úr Ólafsfirði, þeir Björn Þór Ólafsson sem er 83 ára og Stefán V. Ólafsson sem er 80 ára sungu mörg rómantísk lög.

Organistinn Þórður Sigurðsson spilaði falleg lög á píanó fyrir stundina og svo undirleik með þeim bræðrum.

Eftir stundina var farið í safnaðarheimilið og snæddur hádegisverður.

Sr. Erla Björk tjáði fréttaritara kirkjan.is að það hafi mætt 40 manns, en það er fastagestalisti.


slg

Myndir með frétt