Kirkjuþing hefst á morgun
Bjalla kirkjuþingsFramhaldskirkjuþing 2019 kemur saman á morgun, 10. september n.k. á Grand Hótel Reykjavík, og gengur frá málum sem náðist ekki að afgreiða fyrir þingfrestun. Fundur hefst kl. 14.00.
Þegar fundarhöldum framhaldsþingsins lýkur verður kirkjuþing 2020 sett en það er hið 60. í röðinni.
Málaskrá hefur verið lögð fram fyrir kirkjuþing 2020. Það eru 34 mál sem liggja fyrir þinginu og því líklegt að ekki muni nást að ganga frá öllum málum og kemur því til aukafundar.
Ákveðið hefur verið að þingpallar verði lokaðir vegna kórónuveirunnar og verður þingfundum streymt og gefst því öllum tækifæri til að fylgjast með þingstörfum.
Ný reglugerð um takmörkun á samkomum vegna farsóttar var sett 7. september s.l. Í henni er slakað á fjölda þeirra sem mega koma saman. Nú er miðað við 200 einstaklinga í opinberum rýmum eða einkarýmum. Almenna nálægðartakmörkunin tekur nú til 1 metra milli einstaklinga sem ekki eru í nánum tengslum.
Forsætisnefnd kirkjuþings hefur boðið þeim fulltrúum sem það vilja að sinna þingstörfum með fjarfundarbúnaði. Slík þátttaka er fullgild að öllu leyti sem væri fulltrúinn staddur á þinginu. Notast verður við s.k. Zoom-fjarfundarbúnað.
Forseti kirkjuþings er Drífa Hjartardóttir en skrifstofustjóri þess er Ragnhildur Benediktsdóttir.
Starfsfólk biskupsstofu er þingheimi til aðstoðar.
Auglýsing um takmörkun á samkomum vegna farsóttar.
hsh
.jpg?proc=NewsImageSmall)
.png?proc=NewsImageSmall)
