Trú.is

Þennan dag þegar ég sá biðröðina hugsaði ég með mér: Nei, ég nenni þessu nú ekki. Röðin er alltof löng. Ég hef ekki tíma til að bíða svona lengi. En ég fór nú samt í röðina.

Það er mikilvægt að hafa vinnu og verkefni og njóta þess að vera skapandi og virkur í sínu lífi. Iðjuleysi birtist með ýmsum hætti og dregur úr okkur lífskraftinn. Því er nauðsynlegt að finna leiðir til þess að vera skapandi í öllu því sem maður tekur sér fyrir hendur.

Til þess að geta tekið á móti fólki með annan bakgrunn í sátt og með fullu umburðarlyndi, þurfum við sjálf að vita af hvaða rótum við erum sprottin. Við megum gæta þess að Guð og kristni sé ekki eitthvað sem við komum haganlega fyrir í geymslu á Þjóðminjasafninu.

Með þakklætinu fer hugurinn að vera vakandi yfir því góða sem við höfum og fáum. Við komum auga á það sem við þegar höfum og njótum þess frekar. Þakklætið gerir okkur opnari fyrir því sem gerist í samskiptum og við berum jákvæðan hug gagnvart þeim sem gera okkur gott.

Þrenningarhátíð, trinitatis – hátíð hins mikla leyndardóms. „Hver er Guð?“ er spurning kynslóðanna: Hver er Guð og hvernig birtist hann mönnunum?

Jafnvel spegilgljáandi krómið á hjólkoppum líkbílsins veitir þráða svölun á þessari för, í þessum kappakstri, meðan það nær að fegra og bregða birtu yfir mína eigin mynd og hylja um leið verk mín og vafamál lífs míns, allar mínar grómteknu, illa hertu felgurær og óþéttu legur, mettaðar sandblandinni koppafeiti minna óuppgerðu saka við Guð og náungann.

Það er ekki víða talað um sumar í Biblíunni, en á einum stað minnir Jesús á sumarið og bendir okkur á að huga að fíkjutrénu og gæta að því að það vaxi og dafni. Þannig er það líka með eigin trú og trúarvitund. Trúna þarf að rækta og það þarf að hlúa að henni alveg eins og að huga þarf að fíkjutrénu.

Fréttir af kynferðislegu ofbeldi gagnvart börnum verða æ algengari og fagna ég mjög aukinni meðvitund um þetta hræðilega samfélagsmein. En um leið sest að mér einhvers konar mixtúra tilfinninga, þar sem saman fara reiði, ótti, sorg og umkomuleysi. Hvað get ég gert? Hvað getum við gert til að koma í veg fyrir að blessuð börnin séu misnotuð af þeim sem þau treysta?

Starfið heldur því áfram í kirkju Krists í heiminum. Nýir lærisveinar eru kallaðir til fylgis við Krist, kærleikann og sigur lífsins. Kirkjan er á flugi, vængirnir eru andinn og eldsneytið Orðið. Upphafsstaðurinn og áfangastaðurinn er Jesús Kristur sem fyrir anda sinn er einnig við stjórnvölin og vill gera alla hluti nýja, og þar með þig og mig.